英文書..........

剛剛在三聯書局買了一本 A Story a Day, Stories and Rhymes for Boys , HK$59.90。 連我睇都覺得有趣,本書都幾厚,插圖都精美,故事內容比較緊張,多啲幻想,恐怖少少的都有,以英文程度來講,要小朋友自己睇得明,我唸未得,所以,我自己溫一次先,今晚試下用呢本書。外界的提議都是要多方學習,不要有限制是男是女,我都係貪佢方便啲嗜,所以,買一本當看下門口囉。

我依家好少買書，因為都唔知少爺鍾意邊類型書，而且每晚都要講唔同o既故事書，真係唔買得咁多...而且收藏亦係一個頭痛問題....由其是到搬屋時。我依家通常係大會堂圖書館借，大會堂成日都有好多新書，只係成日攞嚟攞去，真係咩到膊頭痛

我都同妳一樣,以前會買多啲,因為要一套一套買,又要連埋練習簿買架嗎,有啲都送咗比朋友LU。 依家,都好間唔中先擇一本買,呢本就係好在裡面有好多不同種類的故事,樣樣有啲,價錢又平,不過係書身比較厚,攞係手都幾重下,字都比較細咗啲,我覺得程度同埋字體都未合心肝自己睇,但是,都冇所謂,因為我只會用呢做睡前故事書,有一些緊張或者恐怖啲多的嘅,就留返平時用囉,最係要,有兩手準備。所以,特登介紹比大家,喂,唔買都睇下呢 ?