各位家長好，有事請教

請問聖三一的小班教學，而且一級只有兩班，
會否令學生將來較難適應傳統中學的生活？
我相信活動教學是開心的，但涵接中學繁重的課程，會否出現問題呢？

我小朋友剛考到聖三一幼稚園（全日）
因為考慮到如果選擇在這裏讀，便有機會將來直升上聖三一小學
所以先了解一下情況。

感謝解答～～

家長你好，
首先歡迎你成為聖三一中心幼稚園的一份子，相信你也是欣賞到這所學校的教學特色，你也希望你的小朋友開心地學習吧，是嗎？
聖三一堂小學是一所愉快學習的小學，但它也非只是強調愉快而忽略學習的，它也和一般傳統小學一樣，有著各式各樣的學科，以及多種的課外活動，小朋友上中學的適應，應當和讀其他小學的小朋友所面對的分別不大吧。
個人認為，每級只有兩班，也有它的好處，這可以令小朋友，家長與老師之間距離更近，關係更密切，所以對小朋友的關懷照顧也相對較多，不知你同不同意。
希望可減少你一點疑慮吧。
有空多點來這裏交流一下吧！

咦，尋日我上嚟2次，臨時有事要出返去，寫到一半又要閃。今次，一定要發表到先至得。
我個仔是由中心幼直升三一小，今年一年級。我未唸到上中學住，但係由開學到依家，都見佢對學校環境，老師和同學的相處，應付學科的知識，暫時都ok，我兩公婆用安落嚟形容自己的心情。我個人意見，學校對管教和學術都有要求架。以我所知，管教上有嚴格、唔識用字眼去形，個（嚴)字，我想話係訓練小朋友有規有矩的意思。我睇阿仔的書簿功課，覺得比小朋友的寫字、默字、默書的安排，絕對不是為咗（篤數）交比家長，要小朋友識幾多字個啲囉。以我地的心意，就好感恩！由中心幼的教導直至依家，我小朋友一路都是愉快學習，健康成長。所以，我（充）心恭喜妳小朋友考到入中心幼，真係連家長都會投入埋小朋友的幼稚園生活架！祝妳地有一個好的開始，和小朋友開開心心的過校園生活啦:-)

謝謝家長們的回覆。

不知道三一小的小班教學，會否令學生多了機會發表意見？
上課是否分組形式，還是像一般學校般單向地由老師教授學生坐定定咁聽呢？
（我覺得學術成績不是最重要，但訓練學生的語言表達能力更重要。）

學校有否演講比賽故事比賽之類？ 學生參加的機會多嗎？

不好意思，太多問題了。 ^^"

唔使客氣 9月尾,學校舉辦個1次小一適應的家長會,睇到小朋友上課時的相片,數學課,就有成班一齊走出課室,到操場做小組的學習,例如,老師分糖果比學生,由學生去計加減數咁囉。平時接放學,都有見佢攞下一兩粒糖果,貼紙,pencil,擦膠之類的小禮物,佢好開心話比我知,佢答問題,老師賞佢。老師係有鼓勵佢地答問題及發表,同埋,都有聽佢話有分組去回應老師的問題, 因為佢會數比我聽上邊堂時,有幾個同學一齊一組,自己搵同學仔的,但是,比例多唔多,我暫時唔知。 阿仔訓咗覺,聽日試下問多啲,再上呢交流下。

學校有否演講比賽故事比賽之類？ 學生參加的機會多嗎？
唔多覺有演講比賽故事比賽之類喎,我唔知
但是,阿仔有參加學生團契,不過,今日,我先至知佢原來會係20/12,在學校有獻詩,呢啲算唔算係機會呢
今年的校際朗誦節,佢個班,我見都有好多同學參加,係自由參加和自己選擇語言,由學校報名。 有老師訓練架,比賽當日,我兩公婆都有入場,聽見考官講文章要點和要求,就發現和學校老師教的十足十,呢件事,又讓我地兩公婆好安落lu。我唸,呢樣都算係機會和訓練掛。 另外,我個仔有參加課外活動,自費,由外聘老師教授,兒童演藝天地,多元化,有教唱歌,話劇,講故事,司儀,朗讀之類,老師每堂都有比評語,每次上完堂,佢都開心到不得了

都有比賽嘅,有每月閱讀之星,最好的級別,會張貼名單係操場,又有中期試的個人成績龍虎榜,名單就張貼係大堂,我個人認為都幾好,有鼓勵和欣賞的學習 講到尼到,都差不多報告完畢,好,聽日再傾下啦

家長，唔好意思， 依家先上尼。我再問過，分組的時候，多數都係坐番在自己位，將資料轉比自己一組組員，轉來轉去，組員就會有時直線，有時左右（意思是一行過為一組），唔會成日離開位或圍圈之類。向小朋友收料，我想都算係咁囉