多D多D多D…

希望多D人入嚟…
轉眼間仲有兩星期就開學了，阿女雖然話唔擔心，但就成日響屋企扮BB講嘢，如果咁可以令佢減到壓都無所謂！

呀仔都係, 開學前好想變返BB, 開會前兩個星期, 佢無啦啦找了個公仔話係佢既BB, 要陪佢瞓.
我知道佢真係有點緊張, 想變回幼稚園生.

有冇諗過係Baby Kingdom的聖三一討論區張貼這個website呢? 我可以用我的account post這個資料

美人 ,我仲緊張個個心肝呀,31號晚, 我半夜3點都眼光光, 真係飲咗豬肉湯呀 ''''''
亞仔話唔緊張, 不過就 no開心, 最好日日係暑假囉, (
(雙人床, two bed )

喂, 家長, 唔好掛, 妳叫佢最好啦啦聲讀埋個大學學位, 咁先至會高大威猛呀嗎! 至於讀書, 哈, 要直到永遠遠遠遠遠, 而學費, 就要比到 '''''' 另外, 放上 ?? Kingdom, 有 ? 好呢, 介紹下呢 :> 在很久以前, 我開始講古喇, 點解我成日都開唔到呢個 ?? Kingdom 嘅呢, 同埋, 使唔使到時要斯文啲呢 ???

Teresa Koo 寫到:有冇諗過係Baby Kingdom的聖三一討論區張貼這個website呢? 我可以用我的account post這個資料

多謝你嘅提議，其實都有考慮過呢個做法，不過由於尚在試驗階段，同想暫時等本屆畢竟生家長試用呢個forum，所以未向外推銷住，遲下會再安排。

吳承軒 Isaac 寫到: ...... 同埋, 使唔使到時要斯文啲呢 ???....

唔駛特別斯文，呢啲係個人風格，冇粗言穢語、人生攻擊及侮辱性等說話就OK，而且只係放條link過果邊，等人過嚟呢度傾而唔係喺果度傾，所以冇分別。

我在baby kingdom 很少發言，只是睇post居多。認識聖三一也是多得那個"有冇媽咪決定入讀聖三一?"的 topic. 我估有很多'聖三一人'會在那邊流連吧! 不過暫時未搵到一信班的小朋友。阿仔星期五係我耳邊話講個秘密我知...佢話比老師叫了上台，我問佢 : 「你表演呀?」佢話其實係佢曳，但係又講唔出曳d mud 有冇人知發生mud事呢? 不過俊羲這個星期很情緒化，動不動便哭，實在拿他沒辦法，當他無理取閙的時候，我只有抱著他由他哭個夠...

喂, 我估佢多數係眼訓 , 好似啲細b嗜, 1哭 2 鬧, 停, 夠晒喇﹏ 我送仔返學時見到佢都好開心,明天問吓我仔仔收下料先 ? 暑假時,
我個仔成日都話要返幼稚園做學生啦, 嘩, 大佬, 幾錢學費呀, 叫佢啦啦声讀埋個大學學位就差唔多, 妳地話係咪 ??? 最好聽 日就大, 自己搞掂晒, 哦 !

咦…我無聽許幸妍提過喎，等我聽日問吓佢至得。不過…照我估計，小一咋喎…無理由第三日望返學就會罰人！會唔會當中有D誤會呢？俊羲媽咪，我問到話你知！

好多謝Issac媽咪和幸研媽咪的回覆! 我曾嘗試問俊羲，但他說話一忽一忽，組織唔到...本來想叫婆婆送他返學時問老師，但又驚弄巧成拙，令俊羲覺得難為情 因為何老師同楊老師話過俊羲比較自尊心強但心靈又同時很脆弱，每當面對新環境及接觸新的人，他都需要較長時間去建立安全感，這亦是我放棄主風讀聖三一小學的原因。
俊羲也有哭著說要返幼稚園，但我告訴他LEGO的機械工程課只接受一年級的哥哥參加，聽完佢又好似鍾意返讀小一
希望呢個小一適應期快d過，佢會好似鍾意幼稚園禁鍾意埋小學啦!!

我今朝問亞女老師有冇罰過人，佢話啱啱開學老師唔會罰人住。
咁老有冇叫人上台呀！佢又話無喎…
俊羲媽咪，其實我哋俾幸妍讀聖三一嘅原因都同你哋好似，都係因為佢需要好長嘅適應期。佢第一日返全日已經同我講話半日已經好掛住我，我同佢講話好欣賞佢能夠堅持到放學。希望俊羲可以快D同多D同學仔熟D，有朋友有話題就會唔同喇！始終都係咗學幾日遮。我都同幸妍講，你升小一，由大姐姐變小妹妹，唔習慣係正常嘅，媽咪升中學嗰時都擔心咗成個暑假。我又問佢：你估你要用幾耐時間先習慣呀la？佢話：唔…我諗一個月啦！
我係想佢知每個人都會對新環境有焦慮，因為有好多未知嘅嘢，俾佢知呢D叫壓力。將嘅負面思想理性化同正常化咗佢！尋晚，幸妍弟弟俾佢點嚟點去玩扮老師，可能佢想減壓！

接亞女放學時我問佢，黃俊羲同學有冇響學校喊過，佢話有。幸妍話老師叫大家出嚟排隊去禮堂，但唔知咩原因俊羲無出到，所以老師就叫：黃俊羲同學出嚟排隊！亞女話跟住佢就喊咗出嚟。然後老師拖住佢行第一入禮堂。唔知係咪呢件事呢！

唉呀! 頭先打咗好多野, 唔覺意按咗ESC, 冇哂呀, 由頭打過, 肯定冇D哂神髓

好羡慕你地聖三一同學仔可以互相照應, 我日日問阿仔有冇識到新朋友? 都係"冇", 有冇同同學仔玩? 又係"冇", 咁返學有冇掛住我? 竟然話 "冇呀, 不過好掛住校車", 唉! 可能佢恨搭校車恨咗成4年, 終於得償所願啦, 日日放學都一路落車 一路話" 搭校車好好玩呀!!"

係呀, 星期日搭巴士時撞到楊老師, 佢落車時提我下星期六記得返聖三一, 正正係星期日, 所以我唔知佢指係11/9 定18/9, 有請咁多位現役聖三一家長幫忙打聽一下正確日期同時間, 唔該哂!!!!

喂,想收料,好啦,見係自己人,講下笑嗜,美人,我肯定係18號,時間就暫時性記憶是11點,有飯食咖。我個心肝話有掛住辛辛辛咖,妳問下個仔係咪怕羞,佢平時斯斯文文,又正正經經,可能要比多啲鼓勵佢啦,話佢聽佢不嬲都好受歡迎咖。

Catherine,等我地落完口供之後,不如做一份詳細的比Teresa 囉,等糧出???

真係好多謝兩位媽咪報料。我已將案情重組，原來實在是小事一則
明白這是俊羲的成長課，我沒法幫他成長，只有好好的陪著他成長…

這個星期由星期一開始，俊羲便問還有多少天要返學，每天都在數日子，但每當我說還有多少天，他便會開始哭說希望每天都返學，我問點解，佢話希望每天都可以同吳承軒玩，但係我話吳承軒都要放假播，咁佢就話唔想返學!原來ISSAC成為他的返學動力，所以ISSAC媽千奇唔好同ISSAC轉校，就算轉都早d話聲我知，我地一於跟

我有問佢返學開唔開心，佢話都幾開心，不過就冇小息，我問點解?佢話因為食飯食得慢，所以冇小息…俊羲由細到大都唔鍾意食野，所以食係我地既大難題 我已寫手冊比老師叫佢地比少d飯餸，希望佢慢慢建立返個食飯信心!!

我本來都有啲眼訓,睇完妳的回覆,就太陽出來了。咁客氣嗜,承軒都好鍾意俊羲咖,都成日提住佢。 妳夠好家教啦, 你個心肝會見到朋友開心連自己都開心, 又識得叫妳攞多啲野食反去同人一齊食分享。 承軒話今日有一個男同學,自己走去佢地道一齊玩一齊食,仲話聽日唔好帶提子當茶點,人地唔鍾意食水果喎,真係周到。 有單新鮮料呀,今日接仔放學,同一個新女同學同埋佢媽媽一齊走,頭兩句就緊係介紹下名,邊個月生日,邊間幼稚園轉來讀,點知,在臨散場時,女同學同我講 : (我鍾意咗妳個仔) 嘩嘩嘩,我即刻講聽日見啦 '''''' 不過,佢又真係幾有眼光嗜,哈哈哈

唔怪之得今日俊羲話要帶3塊蝴蝶餅，原來有新朋友
承軒一定charm啦! 因為媽咪都好charm，希望佢兩個都會快 d識多d朋友啦!

嘩, 家長, 睇呢妳都好有品味喎, 多謝多謝 , 得閒我要請妳飲茶la, 呵呵呵