好似去酒樓飲茶攞位咁

最近,經常出入醫務所,有一次,我地兩公婆上午睇醫生,下午到個仔睇,打電話預約時就留3位啦唔該,當時都唔覺,到個個朝早,當我地兩公婆登記完,護士姐姐叫我地入去時,好攪笑,佢話:2位一齊入去啦,咁,我唔想,話等我先生睇完,我先入去啦。大人大姐,都未試過可以一齊入去喎,陪個仔就話嗜。當時,我聽落去覺得好似酒樓攞位咁,2位,唔該,好攪笑。 隔咗一陣,一行5人入到醫務所,個爸爸話,唔該4位,跟住就登記,又一陣,2個人入呢,又係話,唔該2位,之後,我地就攞藥走咗。 呢排天氣持續寒泠,又話流感好勁,又早咗到,大家,要保重身體呀! 醫務所啲人真係多到唔夠位坐架,我次次都要心肝係出面等,到一睇完醫生就要離開先,由我等藥

會唔會係打流感針呀? 不過都好搞笑

似感冒

你地交叉感染，買啲艾熏下間屋，殺菌咯。

? 東東呢架,去邊處買呀 ?

系中藥，中藥鋪買，叫艾條。點著會好多煙，有啲藥味。

我都用過艾，不過人地係教我用嚟除虫。我阿媽就係全屋煲白醋，d味真係幾難閒，不過冇辦法啦，d菌實在太利害。

哈哈哈,我都未特登去過藥房,近排,都係去商場,酒樓,超市多。原來,醋......仲可以用呢剎菌,不過,我鐘意用呢........ 好呢,嘻嘻