書包重 定 心肝 重呢 ?

妳地個 b 個書包有幾重呀 ? 我屋企冇磅, 唔知有幾重, 但係呢, 個書包好似重過個仔, 因為我對個書包係冇感情嘅, 但係, 我抱仔時,都冇拿佢個書包咁辛苦呀 '''''', 搵人磅下同埋講下啦, 好冇呀 ?

我噚晚都磅咗啦, 因為辛仔星期一先開始正式上課, 不過係返半日, 未計水樽都已經成3kg, 我叫佢揹上身重唔重, 佢試完話 "OK, 冇問題", 跟住磅埋佢體重, 啱啱係教署建議書包重量唔超過體重的15%, 如果開始返全日都唔知會唔會over, 因為全日個時間表仲未出嚟呀!

我個仔的學校時間表就日日都有中.英.數, 4日有常識。最嘆就在星期五喇, 中英數加聖經嗜, 跟住就上多元智能課,有1個鐘9個字鬆下。講反個書包先, 連我相公都話好重, 問係唔係我冇拾書包先會咁重, 我呢啲賢妻良母又點會咁呢, 不如話係啲書的紙質夠厚, 幾十元買佢都有我著數仲好啦,大叔。 我地的美勞用品是放在課室的牆櫃, 放成個學期, 都算係幫輕啲囉 .......... 阿仔話原來學校的飯好好味, 佢話依家係小學生, 所以要食小學生的咁多喎, 開學之前, 佢驚老師要佢食晒啲飯, 所以叫我自己(住)比佢食, 咁就可以 細份量啲喇, 點知, 依家又話嬸嬸啲飯原來好好味, 真係 (仔) 生外向囉 ''''''

我女個書包都有3.5kg,重死啦.不過她很開心，終于可以返學啦。你地寶寶多唔多功課？

阿 Lisa 媽，可宜個書包個幾磅，佢身型都話有幾十磅頂吓，　 　　　你睇我個ｂ，有幾多兩肉先，頂多兩頂，冇腰骨就慘啦？
阿辛辛辛個書包係未計水樽及全日用的書咖，睇呢都是只有加一，實冇九折嗜，不如，我地順便在日日幫佢地探熱做記錄時，順便磅下個書包，又做番個記錄囉，我發覺我都好無聊下哦，哈。　　　　照我睇呢，功課都唔係好多，一份英文寫字，數學做一頁的理解題，數下數目個啲咁囉，中文就寫自己全名３次嗜。我唸，好戲在後頭，邊有咁嘆呢～家長。　

今日係星期五,啲書會比一至四多,心肝個書包試過堆到滿一滿。 今日,又要攞埋小提琴,多對手都攞唔掂,唯有將啲書分開放,用一個小小的拉箱,勉強放到幾本書加個PENCIL CASE,再加多個環保袋放F4 功課等等,扣住個拉拉箱拖住行,咪住隻小提琴,嘩,好似過關走水貨 我唸,可能要換個紅白藍啦

家長,有冇同感,啲小朋友在操場時,拖一個書包,又攞一袋,兩袋,有時見到有兩三個小朋友圍埋一齊,又傾又笑,真係好似去咗上水,見到啲羅湖紅白藍街坊咁,準備去走水貨咁,唸唸下都幾攪笑

買唔到書包,因為三三和大大書局都已經將書包送回供應商,吉記得1隻陳列品,所以冇買。以家只好攞多個環保袋,繼續過關走水貨。

唔使買大書包啦, 你放哂D野入去, 又會嫌太重啦, 你仔有私人司機兼保母跟返學, 都係論盡一陣啫

有日我攞起咗辛仔張學校智能咭又唔記得幫佢掛喺頸就送咗佢上校車, 返到屋企門口先醒起, 又即刻飛撲去學校比佢, 成班白衫白褲都唔知點揾佢, 就有個不明物體搶咗張智能咭, 原來係辛仔一早等緊我攞比佢, 夜晚食飯時佢重話"我知你一定會嚟架"

司機兼保母,又形容得好似喎 唔,要出多份糧先,仲要高過33 漏?漏? 已經成為我生活的一部份,家常便飯,...........乾杯。

SUN KAI CHUN 寫到:唔使買大書包啦, 你放哂D野入去, 又會嫌太重啦, 你仔有私人司機兼保母跟返學, 都係論盡一陣啫

有日我攞起咗辛仔張學校智能咭又唔記得幫佢掛喺頸就送咗佢上校車, 返到屋企門口先醒起, 又即刻飛撲去學校比佢, 成班白衫白褲都唔知點揾佢, 就有個不明物體搶咗張智能咭, 原來係辛仔一早等緊我攞比佢, 夜晚食飯時佢重話"我知你一定會嚟架"

辛媽媽,我仲經典,我將阿仔本數學練習當咗琴書,放埋落自己的書中,尋日,阿仔話冇帶書,罰了1個小息,要留在課室,不過,佢好錫我,冇怪責我,因為佢都知自己都有責任喎,我地一齊又上了寶貴的一課,學多咗野喇 尋晚,阿仔安慰我之餘,仲幫我拓骨潻,嘻嘻,佢老豆恨唔到架啦 爸爸問我點解會咁懞,因為後來發現,連幾頁功課都仲未做呀。唔懞就唔嫁佢啦,哈哈哈哈,問多都冇謂

今朝出門口, 辛仔重搞到廚房雪櫃D通告跌哂落地, 比我話佢 "出門口啦, 仲搞搞震", 跟住搭lift落到樓下, 我一望, 吓!! 重乜著體育衫襯黑皮鞋咁有型
原來剛才佢冇著到我放咗喺門口對白鞋, 走咗入廚房著咗我收起咗嗰對黑鞋, 所以撞撞碰碰下, 搞到D通告跌哂

辛仔都試過帶錯書, 不過唔使罸, 嗰次放完中秋, 佢自己執書包, 唔記得自己放咗一日假, 星期五執咗星期四D書, 我問佢咁點解你又著啱校服(星期五要著運動衫)

重有上次鮎魚掠過, 佢話唔想掛風球, 因為唔想冇得返學, 冇得上體育堂

我問個女點解個書包咁重啊，原來佢全部書都挪嗮，佢話費事唔記得，吹帳

哈哈！夠哂穩陣！

SUN KAI CHUN 寫到:今朝出門口, 辛仔重搞到廚房雪櫃D通告跌哂落地, 比我話佢 "出門口啦, 仲搞搞震", 跟住搭lift落到樓下, 我一望, 吓!! 重乜著體育衫襯黑皮鞋咁有型
原來剛才佢冇著到我放咗喺門口對白鞋, 走咗入廚房著咗我收起咗嗰對黑鞋, 所以撞撞碰碰下, 搞到D通告跌哂

辛仔都試過帶錯書, 不過唔使罸, 嗰次放完中秋, 佢自己執書包, 唔記得自己放咗一日假, 星期五執咗星期四D書, 我問佢咁點解你又著啱校服(星期五要著運動衫)

重有上次鮎魚掠過, 佢話唔想掛風球, 因為唔想冇得返學, 冇得上體育堂

咁好仔,掛住返學 吳承軒好想打風唔使返學,一起身就問係唔係放假,又問點解幼稚園有得放假,小學冇得放 真係

lisa hui 寫到:我問個女點解個書包咁重啊，原來佢全部書都挪嗮，佢話費事唔記得，吹帳

嘩,陰功,個書包點放得晒呀 攞多兩份小食好過啦,起碼係小息嘅時候,食多兩啖啦 依家讀書要用好多腦汁,書包又重,唔食多兩餐都冇力水去抬個書包囉

個書包,即將要報銷,已經走晒型,企都企唔直 唔,都係紅白藍最耐用。

吳承軒 Isaac 寫到:個書包,即將要報銷,已經走晒型,企都企唔直 唔,都係紅白藍最耐用。

我諗你幫佢拎書包時, 成日抽住頂個手抽, 咁係會令書包變形架!!
另外, 上星期日見到油蔴地永安重有書包賣喎

啊,過關嗜,買紅白藍得啦,都有轆架,哈

今日,都係買咗個又大隻,又夠高,又有得拉嘅書包喇,九龍城都搵到,之前真係分2袋都好重下,環保袋個袋書都唔野少。

激死我,今日接仔放學時見到..........個傻仔將個新書包(咩)住,唔用拉,(客)死我,佢解釋話唔夠力拉上樓梯,就一於咩住喎, 仲有下文,食完飯,佢坐係梳化時,用手卒腰骨,問佢佢都認係唔舒服,好火呀 又要出動一大堆說教加埋黑面啦(我),真係冇晒心情,原先講好咗唔好咩,只可以用拉,先至買,因為實在好重好重,點知,依家仲咩多支棍,仲重,哎,唔買好過買囉 我估佢由班房行落學校大門最多係幾分鐘,都叫唔係好舒服,好唸,應該都幾傷。

尋日接放學,心肝係拉書包,佢話條腰有啲唔舒服,都係唔想咩喎

吳承軒 Isaac 寫到:尋日接放學,心肝係拉書包,佢話條腰有啲唔舒服,都係唔想咩喎

其實會唔會係Isaac揹起時的方法用錯咗，　我見辛仔成日單手吊起個書包凌空伸只手入去，　拗哂腰咁，　睇到都覺得好易整親，　叫咗佢Ｎ次書包放喺椅度，　揹好哂先企起身，　不過次次都唔記得，　喺學校更加唔知佢點揹

辛媽媽,多謝妳咁有心呀 我即刻話比ISAAC知用這個方法,佢答我話班主任教咗全班同學仔,先將書包放上枱,再咩。 個傻豬都跟足做,不過..........佢可能係少爺囉,睇呢,我都要做定長衫,留定頭髮做...........馬姐。

派下學期新書個日,我地睇醫生,就順便攞個書包係醫務所磅下,卒次都知喇,有8磅幾。