課外活動

我個仔報咗有團契,英文,藝術及小提琴,原先阿仔自己話要報武術及滾轆溜冰, 表都填好, 點知。佢父親大人就話 : 唔得,你睇佢對腳都冇力,有排跌,好傷,唔好學喇,跟住又話: 武術好辛苦架,唔好學喇。之後,張表就花晒喇,維有改學劍僑英語及藝術啦﹏ 阿仔成日話要學小提琴,真係比佢恨到啦,我一路都冇幫佢報學, 係因為我想佢學大提琴架,有型好多呀。唉, 算啦, 仔大仔世界囉, 正正經經學野就算喇。
我估,佢學埋課外活動個幾日,4:40/5:10先放學, 反到屋企都要先沖涼, 吓, 可以改係車內食餅仔, 沖完涼要即刻開工(做功課), 溫書, 到時,唔知6:15食得飯未呢 ? 如果順順利利, 7:00食完, 先休息下, 等我洗埋個煲, 我用開洗碗機, 唔錯架, 正確呢講係超級好用, 咁,我好快就可以幫個仔溫書喇, 有時間先後補睇下電視,好似好理想咁喎,哈哈

吓! 洗碗機? 由我第一日做全職師奶已經向我個老細入紙申請, 到依家都未批到出嚟, 唉! 呢個老細做野仲慢過HKSAR GOV好多好多, 你講咗出嚟, 我真係驚我會遊行争取師奶的應有權益

啊, 我阿媽已經用咗成20年都有喇,好耐用,第一部都用咗成十幾年架啦,而且,係一啲都冇話用多咗水電費。 吓,妳未做 99, 唔通, 妳相公要等妳升級做咗阿嫲嫲先去買, 妳有冇飽飯食架 ? 因為仲咁後生, 鳴 "'''''''''' 去遊行都好,順便叫下口號,要高過33先好
喂,其實我係買陳例貨,平多過1000元,因為唔會比人試用架,所以放心買囉,另加500安裝費。 我呢幾年有句口號係 ( 母 貧 子 貴 ) 囉

你見我時肥時瘦, 就知我唔係經常有飽飯食啦 , 部野係咪要用好多位? 我個office連微波爐都放唔落喎, 你用咩品牌等我去參詳一下, 執下個office睇下塞唔塞得落先

喂,係西門子呀,我呢部都用咗五年幾啦,呢,細細部,有啲似一台一層的雪櫃大(以前個啲), 唔係依家用信用咭加錢買個啲喎。我就習慣一定放在廚櫃下面,我阿媽同我伯娘都一樣鍾意放在洗碗盆則喇,佢地腰骨及腳骨唔方便呀。 最係要有去水位, 有啲係成座,有啲誇, 因為, 就算我外家人多食飯, 最起碼都十個人, 都係分2轉洗。 而我呢, 唔多碗碟洗, 就會連個煲都放埋入去洗架。
唔知幾時先有人發明洗菜機呢 ???

兩位，我家現時有個人肉洗碗碟機，應該唔洗買lu！老公雙親響佢中學就過咗身，我娘家又在粉嶺，要照顧兩個小朋友，唯一出路就係請工人。
其實幸妍兩歲前係日間去佢伯娘家姐度。我返工前送佢去，放工就接番佢。係後來入學讀書就請工人幫手！好感恩，呢個工人還過得去。日常生活就總有茅盾出現架喇，不過無家人支持，有時多點包容認一認就又過咗去！
不過因為工人響家姐兩歲幾至嚟，所以，亞女麻麻地需要佢。而工人見Zoe咩都唔使佢幫，佢又好少理佢，所以放親假喺屋企都係自己跟時間表做嘢！呢個暑假做暑期作業佢都會跟到！
宜家我五點一放工就去學校接佢，然後會一齊去買餸，返到屋企六點鬆D！沖個涼，就開始check 功課同執書包，有時功課有D careless mistakes就會改吓。
之後通常會同弟弟無無聊聊玩一陣鬆弛吓！之後會食飯，然後練琴。九點左右就刷牙上床睇故事。十點前就通常會瞓著。
不過，如果第時要默書可能就要同弟弟玩少D喇！

好溫馨呀, 一齊去買菜, 生女好呀, 恨死隔離(我)囉。我外家全部都係男孫, (宜)媽舅父話,如果我生個女,佢地就一齊(仲)壞佢﹏ 呵呵,好彩係仔嗜,好啲。幸妍會唔會學埋小提琴呢, 如果一齊學就好啦, 吳承軒實好開心喔, 佢話好想同佢,黃俊羲,同埋一個新的男同學一齊學喎, 吓, 四位, 好似搵腳開枱咁。 吳承軒話好想好想快啲快啲到十月, 因為可以學小提琴喎。

Daddy都想亞女學小提琴，不過Zoe第一句就話：學好D鋼琴先啦！
OKOK！你話點就點啦吓！所以佢揀咗兒童演藝天地，佢話好羨慕D姐姐講嘢好叻喎，尤其上次聯校畢業禮上台致謝詞嗰D姐姐！都好嘅，無咩壓力。其實我都想佢報劍橋英語架，不過星期五要學琴，時間唔啱！

呵,吳承軒實好失望囉 叫許幸妍比心機練琴,哦,我就放心將個仔交比佢囉,做伴琴嗜。 阿仔都仲未上堂,就已經安排咗我要幫佢做伴琴, 仲好認真咁問, 使唔使比學費我先？　有得一齊學兒童演藝天地，都好過冇囉。　關於劍僑英語，我咗名，有朋友講我知，原來好多人都唔會讀第一班，同埋，唔會在Ｐ１就學，多數５／６年級先去上堂，佢知道學習的內容係要呢上中學用的。　我唸住下次唔報啦。講反妳個女，吓，估唔到許幸妍咁成熟嘅，識得咁唸呢，平時唔聲唔聲（客）妳一驚。　事實都係架，學鋼琴先係會對學習其他西方樂器會有好多幫助架，因為，鋼琴是合手彈，最起碼都要睇上下兩行譜，而小提琴／弦樂／長笛之類的樂器，都係睇一行譜，當練鋼琴日子有功時，重點是：淨係睇譜都有幫助啦，認音會快，同埋，識數拍子啦。以一般的學生來講，當完成８級鋼琴後，通常都可以２年或３年的學習，就可以學到其他樂器的５級（特別是長笛），係可以學到５級的書，考唔考到證書就唔一定。又或者，在５級鋼琴時，同時都可以學其他的，技術上會應付到，但是，時間就未必夠用嗜。我以前都有學過小提琴，大約用１８個月就可以報考３級，但是冇去考，因為卒之有咗喜。好過中（掌），從此，屋企就多咁咗件裝飾品喇。我今晚唔開心，依家比我响度打下字，傾下，打下打下又好啲，有啲世（魏）。人越大，啲眼淚好似越呢越小，想喊又喊唔出，做細路個真係好，真情流露。 訓覺

關於課外活動，我同少爺講話承軒報左演藝課，小提琴和Cambridge Starter。我問佢報呢d好唔好，佢最初話好，跟住就話都係唔好，因為佢唔想學小提琴....話說佢4歲已經開始學，學左大約一年多，不過就一路都原地踏步(老實講，那時學小提琴是為了報小一，想個profile好睇d)，唔知係唔係嚇怕左佢，所以一話學小提琴就好大反應，佢最想都係學琴，因為屋企有個數碼鋼琴，我以前學過，所以間唔中會同佢彈吓，可能鋼琴比較容易掌握，所以佢好想學彈琴。遲d如果佢manage到d功課，我都會比佢學吓琴。而最後我幫他報了星期一的演藝課和星期五的Cambridge Starter.因為有Issac一齊佢應該會開心 仲有仲有，就係報左星期三的普通話話劇...唔知多唔多得滯呢

Isaac媽，人大左會有好多顧忌，有時連喊都要諗過睇睇會唔會影響到人，做細路就梗係最快樂啦，無憂無慮！所以，我比阿女讀聖三一都係想減少現今學校好多無謂競爭！好好響受讀書，我知好多學校功課多到根本無時間睇圖書！
好可惜啊！如果學校令小朋友害怕學習，那就本末倒至了！
咦…咁宜家幸妍都有星期一兒童藝術班係可以同兩位男孩子一齊上喎！