中文, 英文串字法

親愛的家長,我的朋友教我,將英文的生字,例如:
Monday
Tuesday
Wednesday
Thursday
Friday
Saturday
Sunday
將佢地做識別, 記起來易啲, 同埋, 中文就用部首, 例如 : (何) 人字邊用紅色, ( 好 ) 女字邊用紅色
我在暑假時用緊呢個方法, 暫時見效果幾好, 因為, 幫阿仔串 September 時, 都幾快ok , 跟住串 October 時, 佢都明係點樣去記。由於學校的英文功課要寫月份,順便記埋啦,阿媽的一條龍服務。
我有擔心, 擔心人越大, 要記的事就多, 驚佢啲記性唔夠使呀 ??? 我就開始記性差啦 !!!

真係一個幾好o既方法!我同俊羲學英文只係會幇佢拆字 - 即係將個字一組組發音underline.
我諗我會試下呢個顏色法，睇下好唔好d，遲d報告

另外，想分享下呢個blog,佢係一d homeschooling o既分享，我都有用佢介紹的web download d 工作紙比黃俊羲做下。

http://aesmom.pixnet.net/blog/category/930458

你地有冇聽過Finger Phonics?我有一d字咭，遲d得閒就post上嚟啦

喂,妳用成點嗜,我有朋友借咗比我成個暑假,我都冇用過,擔心會和學校學的有出入,會好混亂,佢又話佢個仔用唔掂, 佢個仔大承軒一年,本來唸住比反佢,依家,等下妳的意見先好

老實講，我仲未開始同佢學Phonics，只係不停做資料搜集
不過我就肯定Letterland Phonics唔啱我，因為我記性奇差，要靠故事去link up所有letter words and sound，我諗我講講下連自己都 confuse埋...
而睇過一d書advice幾時係最好時候開始同你o既小朋友學phonics - 係佢可以認清26個字母的upper and lower case。唔係話唱字母歌唱到就得，係你random pick佢都即時可以認到同讀到，咁小朋友就ready for phonics 啦
我覺得finger phonics只是給小朋友多一個動作輔助，加以聯想有關發音罷了，我想應該不會興學校的教法有衝突吧!

原來我心肝在K1的暑假學過呢套架, 在何文田的女青學過, 老師係用呢套架, 因為我認得幅圖。 不過, 佢話阿仔跟唔上, 要重讀, 事實又佢又真係發唔到音, 特別擔心 S 音囉﹏但是, 我個朋友借比我個套係 迪 迪 尼 的, 佢個仔都係學唔識同埋又冇興趣。 我唸我又要試一試,可能會有改善。 多謝妳我分享 , 美人 : )

我之前為左考小一，幫阿仔報左好多course，但係其實好多時阿仔根本未ready，就好似phonics禁....
成日係網上同報紙雜誌上話幾多個月大就可以學mud，幾多歲唔學就太遲，真係攪到我有d崩潰 我記得阿仔K2時同蘇老師傾計+訴苦，佢好好，同我講...每個小朋友o既長處都唔一樣，無需要同其他人比較，只需跟小朋友自己比....只要看到他有進步，便已足夠
同埋佢到最後其實都會學識，只是遲或早的問題，不必要太介懷他是否比人早一步學識...

講返phonics，我諗如果等到佢完全認清26個英文字的Capital and Small letters，學習就可以事半功倍。另外學習phonic時，一定要按部就班，而以下四組發音是不可同一時間學習，因為好易令小朋友混淆
1) e,a,s,c,o
2)b,d,p,o,g,h
3) f,l,t,k,i,h
4) n,m,u,h,r

Sandy，如果唔介意我個山寨版 finger phonics card，我可以print一套，星期六比妳

美人,我有架啦,K1暑假在女青學過,真係可能係佢的學習能力在這一方面是弱啲,都要幫佢試多次先,多謝妳的幫助呀 得閒飲茶