同聲同氣　教得掂　滾蛋有理 - 節錄自蘋果日報

黃俊羲媽媽 16/9/2010, 10:48

2010年09月16日

有專家指作為家長，要令小朋友對凡事好奇，頭幾年一定要監督、陪伴孩子成長，玩功課、玩溫書；當寶寶離開父母羽翼，便會自動波求學問尋知識，獨立成長，不過當中記得，不論任何情況，管教子女時，夫妻一定要同聲同氣！

論寶寶滾蛋
聖雅各福群會延續教育中心經理 John說所謂滾蛋是：「寶寶一出生，父母就是他所有，猶如大雞保護小蛋；當寶寶成長，進入幼稚園起就慢慢滾出大雞，接觸外界，學習與人相處，這個時候老師也佔了他生活中相當份量，父母要在不同階段為寶寶作好心理及生理準備。升上小學，寶寶生活上佔大份量的是同學，慢慢成長進入中學之後，寶寶就要尋找自我，從雞蛋破殼而出，學習獨立生活，父母則要學識放手。」

父母態度立場要一致
「寶寶一出生，父母就是他所有，一入學如上幼稚園，開始接觸老師、同學等，這時間，老師也佔相當份量，寶寶就開始學習，慢慢建立自我信念；長大一點入小學，同學份量變重，寶寶漸長更會開始找回自我，慢慢獨立，作為父母，要一齊學習成長到學會放手，幫助及陪伴寶寶去建立自我。」聖雅各福群會延續教育中心經理劉遠章 John娓娓道來父母由寶寶出生起所扮演的角色。
「教導小朋友，不應有所謂一套方法，因為每個小朋友都有其獨特性格和天賦，在教導他們時，最重要是立場要一致，不是爹哋說行媽咪說不行；又或者原則不一致，一時鬆一時緊；甚至父母都不應該扮演不同角色，一個嚴一個慈；態度及立場必須要一致。」這說法又不無道理，起碼，小朋友無法走隙，媽咪不行嗎就總是找爹哋出頭，爹哋不行嗎就找媽咪來搞定，見風轉舵走精面，隨時影響個人操守。

孩子性格天賦不同，父母必須因應其能力而作出調節。
陪孩子做功課，可不一定死板地做，也可以有趣地「玩」功課及溫習。

不要墨守成規功課是可以玩的
那麼怎樣令小朋友對學習有興趣，自動波不用拖拉煩心呢？「寶寶在小學 2、 3年級之前，家長是須要陪他們一起做功課，死板地監督住他們嗎？不，是『玩』功課、『玩』溫書，中文抄寫，十行十格是否必須由右至左，上至下嗎？不，寶寶想在哪裏開始都行，富想像力的，玩拆字讓寶寶對每一樣功課或溫習都具好奇心，不覺得是一種壓力又過癮，自然做得開心，久而久之就會習慣自動自覺地做功課、溫書。」 John以爸爸身份來分析道，怪不得囡囡也不用他費心思督促學習也能順利升上預科。

跟足時間表做乖寶寶
建立快樂生活節奏及學習環境對小朋友來說很重要。」心理輔導學家兼聖雅各福群會兒童心理學課程導師的周慧儀 Yvonne說：「如果是第一個寶寶，好多父母經驗不多，寶寶開學之後，最重要是做好時間管理，為寶寶設計合適時間表，例如幾點放學、幾點食飯、幾點休息等等，星期一至五都要跟足來做，千萬不要因為要 shopping就跳過時間表，令寶寶心理上習慣就會乖乖的凡事自動自覺。」 Yvonne解釋道，這就真的輕鬆得多。

中場要有 15至 30分鐘休息
那上了小學的寶寶，功課多了，未必可以跟足時間表作息呢？「或者說，每個寶寶能力及專注力有別，做功課所需時間也有不同，家長就是調節角色，因應寶寶性格及能力將做功課的時間分成兩節甚至三節，中間更要有幾分鐘休息時間，吃點東西或散步，千萬不要玩遊戲又或者看卡通之類，試想，一套卡通片最起碼都要 15至 30分鐘時間，為了看電視隨時分心又或者出現衝突呢！」我試過，叫姨甥做功課喊足半個鐘，結果是卡通做完才肯乖乖坐回來完成剩餘功課呢！「完成之後可以作長一點的休息，作一點獎賞，這時就可以看 30分鐘卡通作獎賞了。父母是要監督寶寶但又不能過於嚴謹，多用正面及鼓勵性語氣用字，少用懲罰，寶寶就不會在壓力下或不情不願做功課或溫習，建立快樂學習，之後就會跟隨時間表全自動作息了。」對，只要小朋友能快樂學習，父母就不用再勞氣了。

吳承軒 Isaac 16/9/2010, 14:12

自動自覺

睇完篇文,我就發現,好多時,是我自動自覺去開佢書包睇通告,功課,仲開埋邊版,攞埋文具比佢。又係喎,佢又冇叫,而且我係亞媽,又唔係書童,混亂咗身份地位。 pirat

好提醒我的一句自動自覺我唔覺唔覺咁做晒,淨係緊張啲功課,又怕佢拾(書)。係時候要重新安排呢樣操練啦。謝謝呀

SUN KAI CHUN 16/9/2010, 15:04

sandy,

我都係第一時間開書包睇手冊, 我真係好心急要知道有幾多功課, 有什麼通告, 好譲我能安排"我自己"的時間

有一日辛仔一放學返嚟就同我講 "媽咪, 我喺學校做哂功課啦" 當時我真係好開心, 心諗今晚唔使趕頭趕命啦, 點知一檢查功課, 係每樣都做咗.............D............, 常識係惟一一樣完全完成的作業, 只可惜佢把簿面簿底調換咗, 5行生字要全部做多一次 Rolling Eyes

吳承軒 Isaac 16/9/2010, 19:05

辛媽媽,我的心肝都間唔中會比啲驚喜我架,大家咁話啦 Razz

剛剛做功課時,在中場時,佢眼淚流流,我問佢做麥,佢話我好大聲,所以喊。可憐,我都唔想咁大声架,咁,我又比咗有驚冇喜佢﹏睇呢,要食保嬰丹喇 !!! 真係好在有呢個平台比我地自己友(伸)下嗜 bounce

黃俊羲媽媽 17/9/2010, 10:58

完全同意...有得係到呻下我先可以平衡下心理 What a Face

話說琴晚返去對功課的時候，阿仔話佢已經做晒功課，連改正都做埋，我真係開心到飛起 Laughing

但係一睇，完來有三份二係錯o既，佢話冇理由，因為佢係抄隔離個同學。我同佢講唔識應該問老師，佢話老師話要佢地挑戰自己，所以佢唔禁問 pale

我唯有安慰佢話就算唔問得老師，都唔應該抄人地o既功課，真係唔識就返屋企等媽咪教啦...唯有 silent

除左個d要用腦o既功課，連抄寫佢都做漏，我就開始火火地問佢點解做唔晒 Evil or Very Mad

跟住佢就開始飲泣，話佢原本寫左兩次，但係隔離個同學話只需寫一次，仲幫佢擦晒第二行，寶貝仲叫我睇下個d寫完又擦左o既字痕...呢位同學真係大整估 Sad

呢個時候，須然已夜深，都忍唔住要同佢講下人生大道理。我同佢講，首先要相信自己，不要依賴其他同學。因為同學都是小朋友，他也有可能會錯，唔知佢有幾多聽左入腦，希望佢真係經一事、長一智啦!!
好彩又到星期五，今晚可以抖抖氣 geek

Catherine 17/9/2010, 12:37

雖然幸妍每日都做哂功課，但我都會叫佢出黎檢查多次，始終都係五六歲人仔，要佢地D功課相信好難！
阿女通常都會有三乘左右野要改，就算佢地知點做，都會出現好多careless mistakes。我好想佢能夠養成double check自已功課習慣！
我同佢講，你識係唔夠，仲要俾老師知你係識至得，如果個仔寫錯左或者串漏左都係無分架！因為我自已細個讀書默書都係成日漏標點附號呀、串漏些少呀，本來明明預期100分都會扣左十分八分去，好唔低！所以我都教阿女做完每樣功課自已再由頭go through一次double check將D 錯漏減到最低。
不過…通常都係仲有錯，仲有就係，功課班做完功課有得去電腦室玩，佢仲唔拿拿聲做咩！