問題阿媽''''''''''''

阿仔自己爆料,話佢地有人在集隊時跑,比老師罰,跟住佢話,其實自己都有份跑架,不過,佢即刻抺晒啲汗,就冇比人發現喇。 我兩公婆對住佢都 O 晒咀我淨話呢啲叫做(委)屍滅跡,你咁(古)(或)架, 下次唔好啦, 人地跑自己唔好跟住。 都差唔多返到屋企, 我知我唔會大義滅親, 我自己想過,因為冇傷人流血, 教訓下佢都OK掛 唔通冇情情舉報自己個仔 , 我覺得好難搞喔。 賜教 又有一次,佢話老師叫住小朋友唔好即刻在堂上做埋第二頁嘅功課, 返屋企先至做, 佢又唔聽, 同埋隔離的同學即刻做, 點知,老師發現有其他同學做緊,就有教訓的說話。隔離的同學啦啦林幫阿仔(反)埋本書, 仲同阿仔講 : 咁樣老師就睇唔到架啦 我話比阿仔知, 老師的規定是一定有原因, 叫佢要聽話﹏ 喲,今日,佢自動報案話做多咗幾條,仲指埋比我睇,我話佢明知故犯就仲差,都唔知點先至攪得佢正正當當 ??? 對於我, 好似依家先至係踏入精彩的人生, 順便教埋四字詞語, 希望吳家唔好出個問題兒童啦, 最大機會係出個問題阿媽啦

男仔就係多呢D鬼主意！不過，近朱者赤，近墨者黑。加上佢試過偷雞成功，就會容易有僥幸心理！ 我都有同Daddy討論過呢個問題，尤其早我哋個女係最鐘意人做咩佢做咩嗰D，無主見。所以我同daddy都會用好多唔同嘅子提醒佢要誠實！
佢地會問點解阿邊個邊個可以點我唔得嚟挑戰你想灌輸俾佢嘅價值觀，我每次都會答佢：國有國法，家有家規，學校亦有學校嘅校規。你係我個女，媽咪有責任要俾你知咩係啱咩係錯！人哋嘅仔女人哋嘅爸爸媽媽會教佢。呢個世界上好多人做好多事，但唔代表人多做件事就係啱。你要自己用腦袋多D思考，唔好人做你又做！
哈哈…唔好諗住講一次佢會記得。不過，正所謂潛移墨化，正確嘅價值觀慢慢就會植根響佢心中。我亦好鐘意同阿女睇新聞，好多時借D宜叫佢講吓學校有無發生過呢D事又或者佢對呢個新聞嘅感受，我地時時都會討論濫藥或者吸煙等問題，早D俾佢知呢D嘢，第日真係青春期反叛都希望爛船都有三斤釘！

係囉,近朱者赤，近墨者黑,佢爸爸成日都話個仔啲樣衰衰嘅野似晒我囉 寃往,我又點會好教唔教嗜,一定係胎教就真啦,佢依家先有機會發揮嗜﹏ 慘,我都係唸走路著數啲,唔好打佢地份公,唔扺做。 要身教,身教,又係身教, 喇,走路都係身教, 哈哈 希望一陣接放學時有出人意外的平安啦。 賜教