電子字典 V.S. 電子(畢)

吳承軒 Isaac 22/9/2010, 15:43

請問有冇電子字典的好介紹呀 ??? 同電子(畢)有什麼分別呢 ??? 預算又要幾多 ??? 我見到有啲成 3 千元都有, 貴過部 NETBOOK。

黃俊羲媽媽 22/9/2010, 16:32

你係唔係用嚟查字同聽發音?我用緊部nokia有發聲詞典，係真人發聲，呢舊野唔駛$,download就得。或者如果妳有iPhone，可能有d apps 可以 download，得閒研究下...

吳承軒 Isaac 22/9/2010, 18:13

我部電話係 X6, 都有呢個功能, 不過, 要開來開去好鬼煩, 同堆, 啲声好細, 聽得唔清楚。我想平平地買啲一開即用的, 簡單啲開來聽就夠喇。所以就問下大家的意見, 其實啲電子(畢)有冇用囉, 都要幾百蚊一支。我去睇過, 有啲電子字典都係千幾蚊買到, 唔知好唔好用呢 ??? 我全部都未用過, 以前係用大大本的字典架嗎。

lisa hui 23/9/2010, 00:30

我個仔用好易通，佢話幾好，要2千幾，我就用唔使錢的，Google翻譯，有聲有釋，幾方便。

吳承軒 Isaac 23/9/2010, 15:49

太太,妳知唔知呢排啲菜幾錢斤呢,好難打虎頭喔,2千幾咁貴,買唔落手呢 Sad

買 XV 就捨得,嘻嘻。我未攞上手睇過,因為我淨係想買啲簡單功能的,多功能我用唔著,同埋,好煩架,要篤呢篤去,幾十個鍵,眼都花 confused

吳承軒 Isaac 1/10/2010, 18:57

原來,我部電話係有牛津字典,仲有發聲潻。今日,我去咗紅屋食飯,唸住順便去買部電子字典。我老公聽到,就好奇怪咁話,係電話都有字典架啦,仲即刻幫手開埋做捷徑潻。事實証明,佢間中會(龍)咗,同埋,佢一定冇上過呢囉 ??? 就尼仲要宣佈,係我追佢潻,鳴''''''''''''''''''''''''''''''
等一陣,將呢個發表,印一份比佢先。咁,聖誕禮物,我就可以為所慾為啦。大晒 ...................