孩子長大了轉吃甚麼奶粉好?

你們的小孩現在還有喝奶粉嗎? 我想同呀女轉奶粉，有無好介紹??

吳承軒Ｋ２已經未飲奶啦，Ｋ１個年係飲＂保兒加營＂個隻囉，見佢飲得幾好味咁，有兩款味道嘅。之後一路都冇飲奶類喇，連維他奶和豆（張）都唔鍾意飲。所以，我經常用豆類加入水果比佢食，又會多啲（注）豆（副）囉 　嘩，中文好鬼死難打，辛苦你地去估啦

2009年我都有買美贊臣4號仔俾阿女，不過自從今年年頭加左成十蚊我就無再買，噤鬼貴！索性買全脂鮮奶俾佢飲，都不知幾方便，尤其是宜家返學響車度食早餐。

我個女2歲半就無飲，敏感囖，我就比啲豆漿佢，1星期2次到

Linda Chow 寫到:你們的小孩現在還有喝奶粉嗎? 我想同呀女轉奶粉，有無好介紹??

K2的時候聽朋友說現在的乳牛吃很多的激素和抗生素，喝牛奶會導致小孩性早熟及很多不良反應，后來從其他報紙、雜志上也看過很多類似報道，此后不敢再給兒子喝了，對于“無奶不歡”的兒子來說他也很無奈的戒掉了。

Ada, 妳幾時登陸架 ? 妳個b慣唔慣小一呢 ? 咁佢飲?補品大架 ??? 嘻嘻

我都聽過乳牛吃很多激素和抗生素，所以對女兒飲奶都有d顧忌，但奶粉有好多營養，我兩個女經常唔食嘢，飲奶希望可以幫甫吓???!!!

各位，我有點驚訝你哋都無俾奶類制品仔女。我明白如果真係對奶類制品敏感的話，豆類如豆漿豆腐都係唔錯嘅選擇，不過，亦有些研究做過豆類當中所含嘅異磺硐亦即雌激素對男孩子的生育能力會有影響，所以尤其是我知自己馳住係仔嗰時我一點豆漿都無飲過，會影響阿仔生育能力喎，我點敢博！

另外，最重要還是鈣的含量，奶頭飲十杯豆漿嘅鈣質都唔及飲一杯奶。對於發育中的小孩子，唔夠鈣會影響骨絡發展，所以，我每日都會俾奶對仔女飲，以前飲奶粉，後來飲屋仔奶，近來就轉飲日本嚟嗰D寫住3.6濃度嘅奶，超濃味！我自己都好鐘意飲！

其實，各位媽媽，為咗我哋將來老嚟減低骨折機會，我哋都應該多飲奶，除非你唔受得。因為，我哋個胃消化奶嗰隻enzme係會隨住無飲奶而減少，所以點解我哋大部份人一出細飲奶無事而到大個會唔受得！我響醫院工作，見到骨科嘅年老病人大部份都係女人就好擔心，所以，趁早要儲定多D鈣喇，年紀越大，能吸收嘅鈣就越少！

收到。咁大人吃丏片可以幫到嗎?

食鈣片都未尚不可，不過還要留意埋維他命D嘅聶取，因為要有效吸收鈣質讓它沉澱到骨絡係還需要維他命D嘅幫助的。
最簡單就梗係曬太陽啦，不過會有雀斑家嗎！所以可吃些含豐富維他命D的食物 如牛奶、 雞蛋、 牛油及 三文魚等。 但不建議食補充劑，因為太多又會容易有腎石。所以都係老生常談嗰句，均衡飲食最重要！

嘩, 好驚 , 我個B係長子嫡(酸),啲中文真係(客家人),事實我係客家人, 我老公個邊就得佢一個男(酸), 佢阿爺冇晒親人架啦, 成日話自己係死剩種, 得返自己一個人, 好擔心會斷咗條根喎。 死囉, 咁重要的事, 要快啲補反啦, 如果唔係, 今晚佢祖宗十八代同我講數呀。 尼次比啲報導(女)死喇。

Isaac媽呀Isaac媽，所以好多所謂研究或報導都不能盡信，不過這次牽涉到傳終接代，所以我都好小心！因為我有個男同事佢呀媽係賣豆腐豆漿嘅，咁佢就當然食唔少啦。不過就係噤啱佢最後要攪到要體外受孕先四十幾先生到第一胎，(係佢老婆都四十幾喇)所以我就更加要特別留意。
當然，間唔時食吓相信係無問題，我阿仔都鐘意食蒸豆腐。但就唔會成日食！所以我係好嚴厲對待佢哋唔食呢樣唔食嗰樣，試過阿仔唔食肉俾我罰喊到嘔，阿女都試過俾我當場收起所有飯菜成晚無嘢食(係餓住噤瞓著)！

Catherine, 阿仔知道唔飲奶的後果之後就問, 維他奶和麥精得唔得呢 ? 佢問咗我2日, 我又未放在心, 唔記得咗問妳。 佢好攪笑架, 有小小事就會好認真, 同埋佢好識驚死架, 有啲麥野唔對路就會即刻轉呔, 唔硬頸架, 會錫身, 好易攪。 同埋, 佢話佢一早就知妳係姑娘喎, 係許幸妍話比佢知嘅, 反而奇怪我依家先知。

吳承軒 Isaac 寫到:Ada, 妳幾時登陸架 ? 妳個b慣唔慣小一呢 ? 咁佢飲?補品大架 ??? 嘻嘻

我個B好中意他的學校，上次返幼稚園還要專門穿他學校的校服去，話要穿給老師看。他非常享受他的小學生活，完全沒有適應上的困難。他說他每天在學校很忙，我問【忙什么】，他說【玩囖】！他的學校是很普通的一所學校，但是卻能讓小朋友每天都快樂的上學，返屋企好【心甘情愿】地去做功課，我也無所求了。

哈哈哈…Isaac真係好攪笑！維他奶都唔係剩用黃豆架！唔好日日飲咪得囉，仲有呀，維他奶同好多紙包飲品都一樣，糖份比較高。唔會影響生育但會影響身形。