食濟咗''''''''''''''''''''''''

心肝尋晚肚痛, 嘔到佢蒙, 醫生話佢消化不良, 食濟咗。可能係呢排中秋, 食多咗兩餐, 其實都想同大家分享下, 可能我平時煲十榖米, 呢排又食得濟, 會唔會難消化啲呢 ? 唔知關唔關事呢, 呵 ''''''''''''''''''''''''' 醫生好攪笑,佢話,冇事,返得學,不過,都咁夜咯,返到去都唔夠訓啦,放一日假啦,我見到阿仔响到笑晒﹏ 傻豬。 今朝搵老師攞功課,點知老師話,佢個班有幾個同學,都是一樣的肚痛,去晒休息室,大便完嘔完又冇事喎,好彩唔係爆流感嗜,冇人發燒及咳。真係感謝主!

今朝黃俊羲返學都話有d肚痛，唔知佢有冇份去休息室呢

Teresa, 我在11:45先打電話返學校搵老師架,所以,我唔妳個心肝有冇份,同埋,學校應該會打電話通知家長接佢走, 因為我問佢地有冇早退去看醫生呢?老師話,冇發燒,所以冇限制要早退,而且,見佢地都有大便,嘔咗又冇事喇。我不嬲都係緊張大師呢架,對個仔,係有小小誇嘅,冇事嘅,唔好比我(客)親。 我試過比醫生話,佢都冇事,飲多啲水就得啦,冇藥開比我地喎, 咁都試過喇 !!! 又試過去睇我的家庭醫生,佢話個仔都冇事,唔收醫生費啦,醫務所多細菌呀,咁囉。

睇嚟, 你地個醫生都熟哂你地啦, 咁優惠唔似D乜師物師, 要收談話費, 我都試過睇過一個醫生唔收錢, 係個醫生話佢都冇辦法幫到我所以唔收啦, 嗰時搞到我跌咗落人生谷底, 亦造就咗我以後既"住家工"之路

睇醫生唔收錢就未試過，不過試過後生時有幾年病到以為自己個頭近，我婆婆走去黃大仙求籤 + 求神茶....結果支籤話愛莫能助....我阿婆以為我真係差唔多....不過好彩病病下又唔知點解好返
可能係心情放鬆左，返而會健康d
至於俊羲，我估佢都係禽日BBQ食滯左姐

係囉,唉,入錯行,打錯住家工,做牛做馬咁,有時好似成個奴才咁,呵 我睇開個位醫生,睇住我大,睇咗我幾十年喇,我結婚都有派餅比佢架,其實,佢都係名醫,不過比較隱名,都有80(最)啦,繼續行醫都係因為有良心,要照料的公公婆婆,佢話放心唔落喎,早上開1小時30分鐘,晚上又係,診金全包係$170,都係舊年先至加$20,以前係$150嗜。 心肝仔出世時,我地都特登抱返去比佢檢查一下,安心好多 喂,有時睇醫生,要搵多一兩個攞多啲意見先好。 基本上,我間唔事都會留係谷底避下,間中先彈返上呢

原來阿仔唔係食滯左，係腸胃炎至真! 今朝返到學校門口都要走返轉頭去睇醫生
岩岩打返屋企，婆婆話佢仲瞓緊。許老師就打嚟話功課會由校車送上，記得去攞....仲諗住今晚可以繼續Free tim...

話！今多個病要同學校講下先得啊，

哦？原來黃俊羲今日病咗呀！唔怪之得今朝我泊好車開始行佢哋都仲響車度啦！希望佢快D好番啦！

哎吔, 佢兩個已經夠晒排骨架啦, 呢次實冇2磅, 可憐!!! 祝俊羲早日康復, 生日會時要肥返啲, 影相都靚仔啲啦

多謝兩位媽咪關心，佢禽日食左藥午睡完好返好多啦
完來斷食治療係有用嫁。禽日醫生叔叔話佢只可以食白粥同白麵包，食食下，佢話唔想食...終於禽日冇mud點食，一早就瞓(不過都做晒所有功課)，今朝佢早過我起身，仲好似好充滿力量禁...touch wood, touch wood，或者小病是福

唔知斷食對大人有幾多幫助呢？我唔洗精力充沛架，瘦兩磅就得架la。

Sandy妳就好啦...禁易瘦!我早幾個月腸胃炎、入埋醫院、再個幾星期無啖好食，以為會瘦返三兩磅，點知一上磅.....竟然係一磅都冇瘦到，病得真係唔底

自從做咗媽媽之後, 我就掉咗個磅, 應該都唔會買番架喇, 我唔受得溂激, 所以, 到依家我地都唔知個書包有幾重。

我3日瘦咗7磅啊！哈。。。哈 是個肚有今多排宿便

哈哈，減肥本來就係每個女人嘅終身事業嚟架啦！