科學館有新野-環保主題

今日下午去了科學館,發現多了一個關於環保主題的好地方,幾好玩,有一個連我地都有玩嘅,係搖控飛機,好有趣 不過,條頸比較辛苦。
我朋友個女第一次玩哈哈鏡,笑到佢幾乎冇晒氣。

你地有冇買年票, 知唔知如可唔可以即場申請就可以用, 我想申請好耐, 但家庭年票係2大2小, 對我地D3人家庭好似好唔抵(我D數好婆仔 ), 所以遲遲未有申請, 經常都係撞啱星期三有學校假期先去, 慳得一元得一元, 但就超級勁多人囉

有，淨係計科學館，我地会去多過3次，一張全年証可以去四個館，都抵用架。我以前逢三四五晚都要返工，所以都係假日先去得，就買年票囉。我地次次都玩成2個幾鐘，腳仔軟！

尋日係科學館，有一對拖友，問可唔可以比佢影我心肝同朋友仔的合照，都ok，冇乜問題。不過，上次海洋公園夏水禮，又有一對拖友同我心肝影相。唔知係唔係依家興呢？講返尋日，小情人返轉頭問我，女朋友話我地笑得咁開心，比佢影多張全家福喎，我好客氣的推咗囉！知啦，我仇家多呀！

Sandy，我相信對男女應該係尋日Canon Photo marathon參賽者，因為今年響理工大學攪，而其中一個主題好似係影小朋友之類，我今朝車聽晨光第一線講，公園玩緊D細個個都俾幾支長鏡對住，好攪笑。所以我估對男搵Isaac做model！

Terresa，我都有買全年證，以前弟弟未出世，Daddy就寫佢姪女個名，因為都姓許，所以你都可以睇家裡有冇其他小朋友用得著。不過就算無都唔差好遠，你去多幾次都番，最重要係你想幾時去都得，好方便！

哎喲,我要快啲買(富)黑照,補下粉,隨時要做星媽囉,嘻嘻,我今晚要早啲訓,去發夢

自從搬左入西沙，我地就變成一對好懶惰o既父母...
每個weekend都係屋企，由其俊羲升上小一後...既然暫時搬唔返出市區，就要趁weekend時溫習多d，weekday先冇禁辛苦。不過都多謝大家d資訊，我會記錄在案

馬鞍山應該有個灘,好似叫烏溪沙,我都想去下玩,有蟹仔及貝類拾。 我的朋友話好玩,要黃昏去先會水退,近唔近妳屋企?

你地叫高校長帶啦, 佢年年都約埋家長團契或者主日學家長班去嗰度玩架, 大概會係11月度啦, 不過我次次都撞啱有事冇去到咋, K3後嚟辛仔唔肯返主日學添, 就更加冇得去啦

SUN KAI CHUN 寫到:你地叫高校長帶啦, 佢年年都約埋家長團契或者主日學家長班去嗰度玩架, 大概會係11月度啦, 不過我次次都撞啱有事冇去到咋, K3後嚟辛仔唔肯返主日學添, 就更加冇得去啦

有冇了解過心肝點解唔返主日學呢 ? 我緊張呢樣多啲。 我幫唔幫到手架?

聖三一堂主日學幼兒組要出嚟獻唱奉主, 分組後有時畫畫勞作, 辛仔淨係鍾意聽故仔, 唔鍾意唱遊, 又唔鍾意做美勞囉, 以前返都係因為有時會見到何老師同黃老師, 驚唔返會比佢地問點解, 老師轉咗返午堂, 我地返早堂既, 咁佢就唔肯返啦, 你都係幫唔到啦, 佢而家衰到話自己係天主教唔再係基督教喎, 不過天主教個主日學都係唔返

烏溪沙個神學院真係好近我屋企，有時星期日我地會去神學院到開餐嫁

SUN KAI CHUN 寫到:你地叫高校長帶啦, 佢年年都約埋家長團契或者主日學家長班去嗰度玩架, 大概會係11月度啦, 不過我次次都撞啱有事冇去到咋, K3後嚟辛仔唔肯返主日學添, 就更加冇得去啦

我依家早上要返工,下午要做阿四=摩登奴才,所以都冇返學校團契。阮副校和鄧姑娘好熱情的通知過我,學校真係連家長都好關心。吳承軒好鍾意返教會及學校團契。逄星期六晚,我地返教會聽書,佢就和小朋友玩,佢好攪笑架,有時會選擇題目坐定定聽架,有時又會去隔離班,聽啲深啲嘅,聽唔明可以查聖經喎,真係估佢唔到。感謝主賜他有呢個心
同佢再傾下先啦,返教會學習聖經的真理,好好架,有平安喜樂的心,又有盼望,數唔矖...大大下,又有屬靈同伴,對外間的價值觀都正確啲先啦,外面依家立立亂咁。我地兩公婆都好努力的學習緊,直到永永遠遠..,講真,我地真係好驚佢會行差踏錯架。願主帶領辛辛辛都快啲返返教會,讓妳們一家都充滿神的恩典。阿門

今日12:20到4:50去咗玩,12:20-1:30時段,冇幾多人,樣樣都任玩,零排隊。 之後先至多人啲,不過,最多都係排幾個位,可能依家都係學校考試期,所以人少啲。 係環保區多咗一個有6個位一齊玩的海底模擬活動,好大個銀幕,吳承軒做沙魚,我地自己人一齊玩, 有個小妹妹玩到好肉緊,由頭到尾都叫 Isaac 沙魚唔好食佢, 玩到真嘅一樣, 跟住, 我地就叫佢仔做 Isaac 沙魚。

我上星期去著，都幾好玩，我辦著半年征，大人50文·小朋友25文。海洋公園全年征有9折，7間博物館都去得。

大家,記住去最高一層,係最高最高一層,有架私家車,可以模擬駕駛幾分鐘,吳承軒的身高就剛剛玩到,只係坐得唔舒服,玩一陣都冇所謂嘅