今年會好寒泠喎...

剛剛看到網上新聞,有資料顯示今年會好寒泠喎。大家都要做好準備啦,因為我剛剛發現,原來心肝的冬天衫,大部份都已經好短,又係時候母貧子貴喇。

我尋日係 MEGA BOX 吉記買咗一包兩件的圓領長袖純白內衣試下,好似$69.9一包。 幾厚料,都算滑,100%純棉,揸袖,領位都算高,越南製做。 我買130碼,貪佢長身啲,晚間訓覺可以蓋得過肚仔, 剛剛洗完, 條領位都幾緊, 我唸唔會好易就洗得鬆。順便買埋 BOXER, 係火車同埋新幹線, 好似都係$69.9一包,有3條,冬天著應該會暖啲掛。

女仔就慘啦，凍都要着裙。

辛仔冬天校股服都係著短褲, 不過低於14度就可以著藍長褲, 各種色的大衣羽絨

可宜媽,女仔可以著襪褲囉,都頂得下架,依家啲襪褲都幾夠厚,冇咁易鈎起,襟著過以前啲絲襪。 心肝係中心幼個時,冬天,比佢著一條白色純綿薄薄地料的長褲,揸腳的,比佢著住訓,到第2朝就加條校服褲著,好夠暖架,唔再著普通內褲架啦。我依家都唸係,佢依家讀小一,一樣係咁著,會唔會唔好呢,因為小一的校服褲係西褲型,可能質地唔同,著落去都應該會唔舒服囉,但係真係在好冬的時候,唔著2條,又驚頂唔住,點算。 辛媽媽,著BOXER可以暖啲,因為布都多啲啦,係咪。同堆,可以買質地較厚的羊毛長襪,腳趾夠暖,身都會暖啲。吓,我又要去入定貨先。

阿女學校要低過14度先可襪褲，否則都要打出個膝頭。我想被羊毛短褲佢着，靚媽們知唔知邊到有啊？THANKＹＯＵ

佐敦道裕華國貨可能有,純羊毛係咪要手洗架 ? 下下要手洗,咪好煩囉 ? 早兩年,佢姨媽係裕華國貨買過熊貓牌的長袖比佢,我照放入洗衣機,只有些微的縮水,保暖程度可以保持得好好。價錢都公道,$150-160一件長袖。 不過,心肝呢2年都冇著啦,佢著普通的內衣都夠暖,有時仲會出汗。吓,鑽石山荷李活廣場有間鶏仔麥,我聽日會去睇下,再報告

我冇去荷李活廣場間鶏仔麥,去咗MEGA BOX,都有一個鶏仔麥檔口,個職員話冇做小朋友嘅內褲,而且大人的內褲都是長的。Lisa 媽,不如去買平平地嘅保暖褲,自己改短啦,可以留長小小,大脾暖啲囉。因為我心肝個游水教練要我個仔著好平嘅白色保暖衫褲去學水架,我係九龍城七記對面的鋪頭買,專賣內衣,毛巾,都好大間下,1套都係30元。仲暖過著件好貴的游水衣多多声,要成300元,係泳池好多其他教練教嘅小朋友都係咁著架。

吳承軒 Isaac 寫到:我冇去荷李活廣場間鶏仔麥,去咗MEGA BOX,都有一個鶏仔麥檔口,個職員話冇做小朋友嘅內褲,而且大人的內褲都是長的。Lisa 媽,不如去買平平地嘅保暖褲,自己改短啦,可以留長小小,大脾暖啲囉。因為我心肝個游水教練要我個仔著好平嘅白色保暖衫褲去學水架,我係九龍城七記對面的鋪頭買,專賣內衣,毛巾,都好大間下,1套都係30元。仲暖過著件好貴的游水衣多多声,要成300元,係泳池好多其他教練教嘅小朋友都係咁著架。

SANDY姨，都係一個好提議喔唔該嗮。

可宜媽,今日我去咗荷李活廣場3樓,日本公司 UNIQLO,係電影院旁邊個間,有保暖的女裝BOXER,寫明保暖,比起一般的BOXER,脾位會長多啲,摸落一陣,又真係幾暖,1條成為$79.9。 我估,可宜都可能穿得落加細碼。不過,價錢好似貴咗啲呵

阿仔見到同學仔著羊毛外套,依家又話冇問題,佢真係會著羊毛衫個喎。 近 ____ 者 ____, 近 ____ 者 ____ NO EYE SEE 所以,我又要買多兩件羊毛外套喇,原來的線仔又唔夠暖,佢今日都話涷,哎,佢叫涷 我心痛。

老友,我通常8:00出門口,仲要落樓就到停車場,呢兩日,連我著牛仔長褲都覺得涷,叫啲B仔B女著短褲及群,晨早就要落樓,都幾難頂! 我好同情佢地,又只可以.........精神上支持佢地..........,唔係,有提議,用暖包,夠方便............唔,自己去買啦

阿靚女，我已買3個，先施100蚊3個。

無計啦！頂住下先。

lisa hui 寫到:阿靚女，我已買3個，先施100蚊3個。

靚女 ? 叫我呀 ? WOW, 妳眼光幾好

剛剛在網上看見以下的消息 :
一股強烈的冬季季候風晚間抵達廣東沿岸地區，本港明日天氣顯著轉涼，天文台 預測，氣溫會由初時的攝氏22度，降至明晚最低約15度，星期三會降至13度，呼籲市民注意保暖，到星期六估計會回升至17至20度。

唔記得邊個講,臨訓前用可以接受到的熱度,我覺得用暖水都得架啦,浸下對腳,個人會暖啲又會好訓啲喎,不過,得閒先算啦 哦

下星期會跌至 12 度喎

新的一年一開始，我就傷風到依家，連續８日都未好。哎，天文台預測，下星期持續寒泠，我最驚到我好返，就輪到心肝，因為，通常都係有來有往架嗎，嗚’’’’’’’’’’’’’’’

攪命呀,係唔係仲有排COLD呢?