新通告：i-learner

死囉,我連張通告都放咗入環保袋,好在係屋企個個嗜,要搵返先。

我剛剛填咗不參加的原因,學校的英語學習已經足夠。 好似都幾擦鞋,但是,都係事實

莫講話阿仔唔得閒，連我都忙到連通告都未睇
真係有d後悔比阿仔參加星期一o既課外活動，攪到禽日返屋企一樣功課都未做...佢都算合作，7樣功課加重做permanship，做到10點4，我唔忍心再迫佢溫習，今朝係車到先再溫默書...實在時間已經安排得密密麻麻，網上功課都冇時間做，再者，我都係鍾意攞住本書同佢睇多過用電腦上網。我會直接話時間唔許可做理由去拒絕呢個 i-learner.

我尋晚都攪到成8:15先食飯,心肝返完課外活動,都有啲體力用下,所以,返到屋企就食咗好多餅,話等唔呢我的飯喎 又係喎,依家做功課都要成個鐘,仲要係佢都好好,坐定定做。呢排佢成日都話想自己試下做,叫我走開都得,做完比我改,唔識先問我,唔知係咪老師教呢 ? 妳地心肝有冇咁講過呀 我最怕佢寫漏,又漏格行之類,要重新再寫會好慘架嗎,所以就靜鶏鶏行下佢後面偷睇,最慘係啲填色,好難擦,都要買過盒擦得嘅木顏色先掂。

Isaac咁生性, 辛仔要我化身一尊神像坐喺隔離先可以順利完成功課

SUN KAI CHUN 寫到:Isaac咁生性, 辛仔要我化身一尊神像坐喺隔離先可以順利完成功課

感謝主,我們要繼續幫小朋友們禱告。

俊羲都係鍾意我坐係旁邊陪佢做功課，但係唔準我出聲同比意見...(佢問我就例外)。通常佢一做完我就會check下有冇錯，有時佢肯改，有時佢會好堅持...如果佢堅持時，我會由得佢等老師改，無謂傷感情

應該係我個B唔想同我傷感情,佢話佢有聽書,老師有解題目,自己識做喎。最慘係,聽啲唔聽啲,呢樣漏啲個樣又漏啲,寫寫下又寫錯咗上一行,一陣又寫錯咗落下一行,特別係啲 默書範圍,又比佢講到似陳陳,卒之,嗚''''''''''''''係我嗜。佢爸爸話我,唔使咁緊張,要信任佢,因為,就算撞板都係好小事喎,從細細個開始,由小事中的錯漏學習和成長,好過一凡風順喎,錯一次,下次會學精及緊張反個件事,就算攞分唔高,都冇大不了,讀書最緊要開心,慢慢再加啲"補品",個底打得好就得啦 唏,真係............

爸爸個招得咗,今日派返中默,就係錯晒冇溫習的字,得80,所以,心肝今晚溫書時,自動自覺要求寫一次考試範圍的課本,仲好努力咁寫得正正經經,唔係簽支票喇。 原來,爸爸先至明白個仔的性格,佢話,凡事都係物以罕為貴,唔使跟得咁十足,登佢撞下板先,所以,我只好尊重佢地,自己去行街街,今次攞正牌放假。

比著係辛仔, 佢就會話 "80分都得架, 80分已經好好啦"

人生，充滿挫折，我有擔心佢要求太高，同佢講，讀書是學習知識、分析、學習過程要開心，一個人生，並唔係只睇分數之類…心肝的性格，真係有辣有唔辣？我想佢作文寫我的志願係：二世祖，哈哈哈哈

都話人生係充滿挫折架啦,心肝今日唔見咗一本功課簿,可能漏咗係課室,或者被其他同學攞錯。最慘同埋最挫折係,我都係剛剛對功課先知囉 ,嗚''''''''''''''''''

呢個問題…我上個禮拜已經經歷過 。許幸妍將本手冊留咗響學校，好彩網上check得到！仲有，個通告袋都唔知去左邊，到宜家都未揾到！